नेपालका प्रधानमन्त्री बालेन शाह बालेनलाई विश्व प्रतिष्ठित म्यागजिन टाइमको सन् २०२६ का १०० प्रभावशाली व्यक्तिहरूको सूचीमा परेका छन्। टाइम म्यागजिनले बुधबार सार्वजनिक गरेको सूचीमा प्रधानमन्त्री शाहलाई विश्वका शक्तिशाली व्यक्तिहरूको लिडर विधामा समावेश गरिएको छ। ३५ वर्षीय शाहलाई टाइमले दक्षिण एसियाली राजनीतिमा एउटा नयाँ लहर र नेपालको इतिहासकै कान्छा प्रधानमन्त्रीको रूपमा व्याख्या गरेको छ। टाइमका अनुसार बालेन शाहको उदयलाई केवल एक चुनावी जित मात्र नभई एउटा पपुलिस्ट युथक्वेक (.युवा विद्रोहको लहर)को संज्ञा दिएको छ। टाइम म्यागजिनका अनुसार बालेनको उदयले दक्षिण एसियामा वर्षौंदेखि जकडिएको वंशवादी राजनीतिलाई ठूलो धक्का दिएको छ। म्यागजिनले यसलाई संस्थापन पक्षलाई झस्काउने एउटा घटनाका रूपमा चित्रण गरेको छ।
