दैलेखको भैरवी गाउँपालिकाको कालिगौडा भित्री सडक खण्डमा बलेरो जिप दुर्घटना हुँदा तीन जनाको मृत्यु भएको छ।
सुर्खेतबाट कालीकोटका लागि गुडेको सुप ०१००१ च ४९६४ नम्बरको डबल क्याप बलेरो जिप आज दिउँसो दुर्घटनामा परेको हो।
दुर्घटनमा परी ३ जनाको मृत्यु भएको छ। पाँच जना घाइते भएका छन् ।
प्रहरीका अनुसार मृत्यु हुनेमा कालिकोटका चालक कलबहादुर रोकाय, मित्र सुनार र पुल्तिसरा विक छन्। घाइतेहरुको स्थानीय अस्पतालमा उपचार भइरहेको छ ।
ब्रेक फेल भएर जिप सडक ४ सय मिटर तल खसेको प्रहरीले बताएको छ ।
