आगामी महाधिवेशनबाट नेपाली कांग्रेसको सभापति पदमा गगन थापालाई सर्वसम्मत रूपमा चयन गर्ने तयारी गरिएको छ।
कांग्रेस प्रवक्ता देवराज चालिसेले यस्तो जानकारी दिएका हुन्। प्रवक्ता चालिसेका अनुसार थापाको नेतृत्वलाई अहिलेसम्म कुनै पनि पक्षबाट चुनौती प्रस्तुत भएको छैन। कुराकानीका क्रममा उनले भने, “अहिलेसम्म वर्तमान सभापति गगन थापालाई कसैले चुनौती दिएको अवस्था छैन।”
चालिसेका अनुसार सहमति र एकताको वातावरण निर्माण गर्न सभापति थापा सक्रिय छन्। यस्तो परिस्थितिले सभापतिमा सर्वसम्मत चयन हुने सम्भावना बलियो बनाएको उनको भनाइ छ। उनले सकेसम्म सहमतिमै नेतृत्व टुंगो लगाउने कांग्रेसको नीति रहेको स्पष्ट पारे।
उनका अनुसार सर्वसम्मत रूपमा नेतृत्व चयन गर्ने प्रयास गरिनेछ र त्यसो सम्भव नभए लोकतान्त्रिक प्रक्रियाबाट नेतृत्व चयन गरिनेछ।
