बेलायत सरकारकी इन्डो–प्यासिफिक मामिला तथा समानता सम्बन्धी राज्यमन्त्री सीमा मल्होत्रा नेपाल भ्रमणमा आएकी छिन् ।
बेलायतकी लेबर पार्टीकी नेतृ समेत रहेकी उनी शुक्रबार नेपाल आइपुगेकी हुन् । नेपालमा नयाँ सरकार गठन भएपछि बेलायती मन्त्रीको यो पहिलो भ्रमण हो । काठमाण्डुस्थित बेलायती दूतावासले राज्यमन्त्री सीमालाई स्वागत गर्दै नेपाल–बेलायतको लागि यो एक महत्त्वपूर्ण भ्रमण हुने र यसबाट दुई देशको मित्रता तथा साझेदारीलाई अझ बलियो बनाउने बताएको छ । सन् २०११ देखि पश्चिम लन्डनस्थित फेल्थम एन्ड हेस्टन क्षेत्रकी सांसद समेत रहेकी उनी बेलायतको संसदमा महिला अधिकार, रोजगारी, शिक्षा, आप्रवासन नीति तथा इन्डो–प्यासिफिक क्षेत्रमा काम गर्दै आइरहेकी छिन् ।
