संघीय संसदको दुबै सदनको चालु अधिवेशन शुक्रबारबाट अन्त्य हुने भएको छ । मन्त्रिपरिषदको चैत २४ गतेको सिफारिस अनुसार राष्ट्रपति रामचन्द्र पौडेलले संविधानको धारा ९३ को उपधारा (२) बमोजिम शुक्रबार राति १२ बजेबाट लागू हुने गरी संसदको चालु अधिवेशन अन्त्य गरेका हुन् ।
राष्ट्रपति कार्यालय शीतलनिवासका प्रवक्ता रितेशकुमार शाक्यले एक विज्ञप्ती जारी गर्दै संसदको चालु अधिवेशन अन्त्य हुनेबारे जानकारी गराएका हुन्।
यही चैत १९ गतेदेखि दुवै सदनको अधिवेशन प्रारम्भ भएको थियो ।
