काठमाडौं महानगरपालिकाले नेपाली फुटबल खेलाडी सावित्रा भण्डारी (साम्बा) को म्युरल बनाएको छ। महानगरपालिकाले नेपाल ललितकला प्रज्ञा प्रतिष्ठानसँगको सहकार्यमा कोटेश्वरको सरस्वती पार्कमा साम्बा म्युरल बनाएको छ। शहरको सौन्दर्यीकरण अभियानअन्तर्गत भित्तिचित्र निर्माण गरिएको महानगरपालिकाले जनाएको छ। साम्बासँगै स्वर्गीय फुटबलर मणि शाहको म्युरल पनि बनाइएको छ। साथै माइतीघर, बबरमहल, मीन भवन, बानेश्वर लैनचौरमा पनि यस्ता भित्तिचित्र बनाइने महानगरपालिकाले जनाएको छ।
