नीय बजारमा सुनको भाउ तोलामा २ हजार ४ सय रुपैयाँले घटेको छ । सोमबार प्रतितोला १ हजार र आइतबार प्रतितोला ५ सय रुपैयाँ घटेपछि यो गिरावट आएको हो । गत साता सुनको भाउ घटेको थियो भने बिहीबार तोलामा चार हजार रुपैयाँले घटेपछि शुक्रबार प्रतितोला २ हजार रुपैयाँले बढेको थियो ।
नेपाल सुनचाँदी व्यवसायी महासंघका अनुसार अहिले राम्रो सुनको भाउ प्रतितोला १ लाख ६२ हजार ६ सय रुपैयाँ रहेको छ जुन अघिल्लो दिन तोलामा १ लाख ६५ हजार रुपैयाँ थियो । त्यसैगरी चाँदीको मूल्य भने तोलामा ३० रुपैयाँले घट्ने क्रम जारी छ । सोमबार चाँदी प्रतितोला १ हजार ९ सय ५५ रुपैयाँमा कारोबार भएको थियो । अहिले प्रति तोला १,९२५ रुपैयाँमा उपलब्ध छ।